Nagising ako dahil nakaramdam ako na naiihi na ako. Nakainom na ako ng gamot two hours ago, bago pa umalis si Jax papunta sa bar kung nasaan ang mga kaibigan niya. Kaya medyo umaayos na rin ang pakiramdam ko. Hindi na sobrang sakit ng ulo ko, kaya nakaya ko na ang tumayo. Nagpunta ako sa banyo at naghilamos na rin. Baka sakali ay mas mawala ang sakit ng ulo ko kapag ganoon ang ginawa ko. Tiningnan ko naman ang sarili ko sa salamin. Hindi na rin ako masiyadong mainit, kaya naisipan ko na lang na mag-shower. Nakapahinga na rin naman ako ng buong isang araw.
Nang maayos ko na ang sarili ko ay naisipan ko na puntahan si Jax. Alas-dies pa lang naman ng gabi at hindi naman masiyadong malayo ang bar na nai-send niya sa akin kanina. Tiningnan ko kasi sa maps ngayon ang lugar. Nagsuot na lang ako
