RED
DAHIL gusto ni Sophia na sa KFC na lang kami kumain, kaya dito ko nagpasyang dalhin ito.
Gusto ko lang talaga magkanin ngayon, ilang araw na rin akong halos diet sa kanin nang maalala ko. Mabuti na lang at kasama ko ngayon ang isang taong nagbibigay ng magandang gana sa akin.
Wala rin sa plano 'to! Katulad na lamang ng pag-aya ko sa kaniya sa bahay kanina, pero tumanggi lang ito at sa susunod na pagkakataon na lang daw.
"Isa sa paborito ko," pagbibigay-alam ko sa kaniya kahit siya naman ang pumili nito para sa aming dalawa.
"Same lang pala tayo. Masarap ang gravy nila rito, walang sinabi sa kahit saan 'no!" sabi naman nito sa akin.
Inalalayan ko si Sophia hanggang sa makapasok kami sa loob. May ilang waiter pa ang sumalubong sa akin, pero sinabi ko rito na ako na ang bahala sa a
