Maaliwalas ang araw at maganda ang pasok ng kliyente sa kabubukas nilang negosyo nang may kumatok sa kanyang opisina. Sa wakas kasi ay natapos ding ayusin ang opisina ni Marie at hindi na nito kailangang pumisan sa kanyang opisina.
Buong akala niya ay si Marie ang nakatok.
"Bukas 'yan," turan niya nang maya-maya ay bumukas ang pinto niya.
Hindi na siya nag-abalang tingnan ito.
"Marie, kumusta ang mga invitation para sa grand opening natin sa Linggo, gawa na ba?" aniya ngunit walang reaksyon mula sa taong pumasok sa kanyang opisina kaya nagtaas na siya ng mukha.
Napalunok siya nang makita ang mukha ng aristokratang babae sa harapan niya. Agad rin namang nakabawi sabay ngiti rito.
"Good morming, ma'am, how may I help you," malumanay na wika sa babaeng kanina pa nakatingin sa kanya ng t
