STAINED LOVE

Nagsimula na kaming kumain nang dumating si Mommy. Nagulat pa kami nina Lolo sa pagdating niya. Agad nagbago ang atmosphere sa silid dahil sa bad vibes na dala niya. Tiyak kong mayroon na naman siyang gagawin na hindi maganda base na din sa kaniyang itsura. "Bilib na talaga ako sa kapal ng pagmumukha mong babae ka!" Kumunot ang noo ko. Sanay na ako sa pagtrato niya sa akin pero hindi ko maintindihan kung bakit ako biglang kinabahan. "Ano na naman 'to, Mommy? Kapapanganak lang ng asawa ko," sabi ni Raiden. "Umalis ka na, Estacia..." sabi naman ni Lolo. Nagbabanta ang tingin ng matanda kaniyang anak na wala ng ibang ginawa kung hindi magalit sa akin, dahil hindi niya ako tanggap para sa kaniyang anak. "Hindi ako aalis, Papa. At simula ngayon dito na ako titira." Nakangisi niyang lumapit kay Raiden. May inabot siyang papel dito. Inabutan niya kami isa-isa. "Pina-xerox ko na din," sabi niya. Nagtataka kaming lahat na tumingin sa papel. Nang una wala pa akong maintindihan hanggang sa mabasa ko ang nakalagay sa taas na paternity test. Napanganga ako. Lalo na ng makita ko ang mga nakasulat na numero. "Ano 'to, Mommy?" naiinis na tanong ni Raiden. "DNA test," sagot naman ni Mommy. "Nino?" tanong ni Lolo, naiinis at nalilito na din. "Ni Raiden at ng baby na sinilang ni Rosario." Napasinghap ako. Muling tiningnan ang papael. Halos idikit ko na sa mukha ko. Bakit ganito? "Hijo, hindi mo anak ang baby na pinagbuntis ni Rosario." "That's nonsense!" galit na sagot ng asawa ko. Nagagalit na din si Lolo. Pati si Pepper ay nakisabad na din. "Ano na naman 'to, Mommy? Nawalan kami ng anak tapos ngayon—" "Nawalan ka ng anak. Hindi siya anak ni Raiden. Kaya siguro namatay ang bata dahil karma mo na dahil sa panloloko mo sa anak ko. Hindi mo naman talaga ang anak ko. Di ba, pera lang naman niya ang habol mo?" "Mommy, stop it! Hindi ka pa ba napapagod? Gumawa ka pa talaga ng pekeng DNA test?" "Peke? Hindi iyan peke, Raiden. Kahit tawagan mo ang lab kung saan ko iyan pina-test." "Why are you doing this, Mommy?" naiiyak na tanong ko. I just can't believe that she can go this far, just to break me and her son. "Dahil malakas ang hinala ko na hindi anak ni Raiden ang bata. Hindi siya kamukha ni Raiden. Makukumbinsi pa sana ako na apo ko iyon kung mukha mo ang nakuha, e!" "Anak po namin ni Raiden ang baby na iyon. Si Raiden ang nakauna sa akin at siya lang ang lalake sa buhay ko." "Nakauna, siguro oo. Pero malay natin kung may lalaké ka pagkatapos ng kasal niyo. Di ba, panay ang alis mo dati. Baka nakikipagkita ka sa lalake mo." "Wala akong lalake. At mahal na mahal ko si Raiden." "Well..." Nagkibit ng balikat ang byenan ko. "Bakit hindi sila match kung ganoon?" Kahit papuntahin natin ang doktor na sumuri sa mga DNA samples. She's confident. Pero paano nangyari iyon? "I'm sure binayaran mo ang—" "Binayaran? Yan ang excuse mo dahil alam mong galit ako sa'yo." Tumawa siya. "Oo, hindi kita tanggap. Pero kaya kong tanggapin ang apo ko. Pero malakas talaga ang kutob ko nang hindi ko makita ang pagkakahawig niyo sa baby na namatay kaya pina-DNA test ko. And I was right! Tawagan natin ang doktor. Papuntahin natin dito." Nakatulala si Raiden. Nakatitig sa papel na nasa kamay niya. I don't know what he's thinking pero kinakabahan ako. "Anak natin iyon, Raiden. Anak natin..." Ano ba'ng nangyayari? Bakit ba nangyayari 'to sa akin?