The next days were like a roller coaster ride of emotions. Tulad ng plinano ni Aycxe ay agad naming nilusob at winasak at teritoryo ni Leonardo kinabukasan pagkatapos naming mamahinga. Punung-puno kami ng awa sa kaibigan namin nang sandali na nalaman niya ang nangyari sa kanyang minamahal. Agad na sumilay ang takot sa dibdib ko habang nakikita ang pagdadalamhati niya, aaminin ko na lalo akong natakot nang punto na 'yon para sa amin ni Jairon. Hindi ko man tanggapin sa aking sarili ang nararamdaman ko para sa kanya ay alam kong mag-iinakto rin ako na tulad ni Sophia sakaling dumating ang panahon na may mangyaring masama kay Jai.
Hindi ko minamahina ang kakayahan niyang protektahan ang sarili. Alam ko lang talaga na hindi basta-basta ang kalaban namin. Si Matthew nga na bihasa sa pakikipag
