BERNADETTE
"THIS is Emelda Yngrid Arguelles Macalinga, my sister," pakilala ni Hermes sa babaeng kakaiba ang tingin sa aki.
Hindi ko alam kung pabor siya sa akin bilang nagpapanggap na asawa ni Sandro o gusto niya na lang akong paalisin sa mansion na ito.
"Yngrid, this is Bernadette, my... my wife," halos hindi masabi ni Hermes ang huli niyang sinabi.
Nagpalipat-lipat ang tingin sa aming dalawa ng babaeng nagngangalang Emelda Yngrid na parang may nais sabihin sa akin dahil sa pagpapakilala ni Hermes.
"Nagpapanggap lang naman kayo hindi ba? Iyon ang sinabi mo sa akin Alessandro, dinamay-damay mo pa ako rito." Umirap pa ang babae sabay tapon ng masamang tingin sa akin.
Ay, may attitude si ate? Baka gusto niyang sampolan ko siya ng pagiging bruha ko?
Pero teka, alam niyang nagpapanggap
