"Yehey!" tuwang-tuwa na napapalakpak ako pagkatapos naming mai-repack ang mga order na tacos. Ang binili ko lang ay ang mga lalagyan. Tapos lahat na ng ingredients sa tacos ay sa kitchen ko lang kinuha. Masama ang tingin ni Kuya sa akin. Nakabihis na rin itong pang-office at papasok na dapat pero dahil hindi pa ako tapos ay nandito pa s'ya at naghihintay.
"Bitbitin mo na ito sa car, kuya." Utos ko sa kapatid.
"Batsy?" nakasimangot na ani nito. Halatang tutol na tutol.
"Dali na. Ayaw mo ba akong suportahan sa small business ko? Next week may pasok na naman ako. Ngayon lang ito, kuya." Bumuntonghininga si Kuya at kumilos na rin kasama ang mga kasambahay.
"Wala nang lalagyan para sa baon ninyo ng Kuya mo." Paalala ni Manang.
"Sa tupperware na lang po 'yong sa amin. Babalatuan ko na
