"Hi, beautiful…" automatic na gumuhit ang ngiti sa labi ko sa bungad ni Marvin sa akin pagpasok ko ng kusina. Ang gaan lang talaga ng vibes na dulot ng lalaking ito sa akin.
Tapos ang gwapo pa. Mabuti na lang talaga ngayon ay nakikita ko na 'yong ibang gwapo sa paligid ko, hindi na lang si Abram na palagi namang disappoinment ang ibinibigay sa akin.
Nangalumbaba ako at pinagmasdan si Marvin. Magiliw ang kilos na nito na waring excited sa bawat gagawin nito.
"Willing ka ba talagang maghintay kahit matagal?" out of nowhere ay tanong ko rito. Wala namang masama kung susubok, 'di ba?
Huminto ito sa paghiwa ng ingredients at tumingin sa akin. Ngumiti ito at tumango.
"Kahit matagal pa, hindi naman kasi agad natuturuan ang puso. Willing to wait, basta ikaw." Sagot nito. Tumango-tango ak
