Hininto ni Kelvin ang minamaneho niyang motor sa gilid ng daan. Dahan-dahan niyang inalis sa kanyang ulo ang suot na helmet saka iyon isinabit sa manibela.
Tiningnan ni Kelvin ang paligid. Sumilay ang maliit na ngiti sa labi niya saka huminga din ng malalim. Kakatapos lamang niyang puntahan ang huling bahay na pinagdeliveran niya ng parcel at ngayon ay nagpapahinga siya sandali bago umuwi.
Ilang minuto pa ang lumipas ay inalis ni Kelvin ang pagtingin niya sa paligid saka tiningnan ang phone niya na nakaipit sa phone holder na nakakabit naman sa harapan ng motor niya. Inalis niya iyon doon.
Pumunta si Kelvin sa text messages para basahin ang mga natanggap niyang text na hindi niya nabasa kanina. Nagsimula siyang mag-scroll doon. Napangiti pa siya nang makitang may text sa kanya galing ka
