Natapos nang matiwasay ang event. Nakauwi na rin ng bahay sila Yvonne at Kelvin. Kaagad na lumapit si Yvonne sa sofa saka pasalampak na naupo doon. Hindi maikakaila sa kanyang mukha ang nararamdamang pagod.
Huminto naman sa paglalakad si Kelvin matapos niyang sindihan ang ilang ilaw sa sala. Nakatayo lang siya malapit sa inuupuang sofa ni Yvonne at tinitingnan ang nobya na ipinikit naman ang mga mata.
Maya-maya ay muling naglakad si Kelvin at nilapitan si Yvonne. Pumunta siya sa harapan nito. Dahan-dahan siyang umupo at niluhod sa sahig ang kaliwa niyang tuhod. Hinawakan ni Kelvin ang kanang paa ni Yvonne na bahagyang nagulat naman nang maramdaman ang kanyang ginawa kaya medyo idinilat nito ang mga mata at tiningnan ang nobyo.
“Anong ginagawa mo?” nagtatakang tanong ni Yvonne.
Tiningna
