Nasa bahay lang ngayong araw sila Yvonne at Kelvin. Hawak ni Yvonne ang vacuum cleaner at abala siya sa paglilinis ng sahig. Linis day nila ngayon kaya naman abala silang dalawa sa paglilinis ng buong bahay. Gagawin din nila ang iba pang gawaing bahay gaya ng paglalaba at pagpapalit ng mga kobre kama at punda.
Habang nagva-vacuum si Yvonne ay nilingon niya si Kelvin na nasa labas ng bahay. Napangiti siya nang makitang abala naman ang kanyang nobyo sa pagpupunas ng mga glass windows.
Tila naramdaman ni Kelvin na nakatingin sa kanya si Yvonne kaya tiningnan niya rin ito. Napangiti siya ng mapagtantong tama ang kanyang pakiramdam na tinitingnan nga siya ng kasintahan.
Mas binilisan ni Kelvin ang pagpupunas ng salaming bintana. Napansin ni Yvonne ang namamawis na noo ni Kelvin na tumutulo p
