Inihinto ni Kelvin ang motor niya sa gilid ng isang sari-sari store. Dahan-dahan niyang inalis sa kanyang ulo ang suot na helmet saka isinabit iyon sa manibela. Umalis siya sa pagkakaupo sa kanyang motor saka kinuha ang susi nito sa susian at itinago sa kanang bulsa ng suot niyang pantalon.
“Hay! Kapagod!” reklamo ni Kelvin. Kinuha niya ang panyo na nasa kanang bulsa naman sa likod ng kanyang pantalon at ipinampunas iyon sa kanyang pawis sa noo at gilid na rin ng mukha.
Habang nagpupunas ng pawis ay naglakad si Kelvin papunta sa tindahan. Nang mapunasan na niya ang kanyang pawis at matuyo na ang kanyang mukha ay saka na niya muling itinago ang panyo sa bulsa niya.
“Isang bote nga ng softdrinks,” wika ni Kelvin sa tindera na nasa loob ng tindahan pagkalapit at pagkatayo niya sa harapan n
