“Aalis ka?”
Napatigil sa paglalakad papuntang pintuan si Eiann at tiningnan si Alexa na galing naman sa kusina at nakita siya. Alam ni Alexa na walang pasok ngayon sa opisina si Eiann kaya naman may pagtataka sa kanya kung saan pupunta si Eiann.
Tiningnan ni Alexa si Eiann mula ulo hanggang paa. Suot ni Eiann ang kulay puti na white shirt na pinatungan nito ng kulay navy blue na jacket, semi-fit jeans at sneakers na kulay puti. Nakataas ang ayos ng buhok nito. Malayo sa itsura nito kapag papasok sa opisina kaya sa tingin ni Alexa ay may ibang pupuntahan si Eiann.
Maliit na ngumiti si Eiann saka tumango-tango.
“May kailangan lang akong asikasuhin.”
“Tungkol ba ‘yan sa trabaho?” pagtatanong pa ni Alexa. Iniisip niya na baka tungkol nga sa trabaho ang dahilan kaya aalis pa din si Eiann k
