Pasado alas-diyes na ng gabi nang umuwi si Eiann sa bahay. Hinatid na muna niya si Alexa sa bahay nito bago siya nagpasyang umuwi.
Tahimik sa buong bahay nang pumasok si Eiann. Pagkasara niya ng pintuan ay tumayo na muna siya sa tapat nito sandali saka nilibot nang tingin ang paligid.
Bumuntong-hininga nang malalim si Eiann. Muli siyang naglakad papunta sa hagdanan para umakyat papunta sa kwarto nito.
Habang naglalakad si Eiann ay nakasalubong naman niya ang isa sa mga katulong nila. Huminto siya sa paglalakad at gayundin ang katulong.
“Good evening Sir,” magalang na pagbati ng katulong. “Kumain na ho ba kayo, Sir? Kung hindi pa ho ay ipaghahanda ko kayo ng makakain,” alok na dugtong pa nito.
“Hindi na,” pagtanggi ni Eiann sa alok ng katulong. Naisip ni Eiann si Yvonne. “Ang Ma’am mo?
