Nasa kusina sina Yvonne at Eiann. Nasa harapan ng dish rack si Yvonne at inaayos niya ang mga plato at kubyertos na naroon habang nakatayo naman malapit sa mesa si Eiann at nakatingin sa likod niya.
Tipid na ngumiti si Eiann. Masaya muli ang pakiramdam niya na nakita ulit si Yvonne ngayon.
“Ano na naman bang ginagawa mo dito?” malamig na pagtatanong ni Yvonne. Tinapos niya ang ginagawa at hinarap si Eiann. “Ano bang hindi mo maintindihan sa mga huling sinabi ko sayo nu’ng nakaraan?” pagtatanong pa niya.
Taas-kilay si Yvonne habang nakatingin kay Eiann.
Ngumiti naman si Eiann.
“Kumain ka na ba?” tanong nito. Hindi pinansin ni Eiann ang kaseryosohan at tanong ni Yvonne.
Hindi kaagad sumagot si Yvonne. Seryoso lamang siyang nakatingin kay Eiann. Pamaya-maya ay napabuntong-hininga ito ng
