CHARITY POV
" Hi Maribeth." bati ko sa bago kong kaibigan.
" Hi Charity buti naman at nagkita tayo ulit. Para naman may kakuwentuhan ako. Nakakainip sa bahay minsan busy si Manang sa ibang bagay kaya itong si pogi lang ang kinakausap ko." sabi nito. Natawa ako. Pareho lang pala kami. Si Markos lang din ang lagi kong kinakausap kapag wala si Miracle.
" Bakit wala ka ba yung kasama mo sa bahay ng amo mo?" tanong ko. Umupo kami sa bench na naroon. Habang si Markos ay nakatunghay sa amin. Nakaupo ito sa may stroller ganoon din ang alaga ni Maribeth.
" Nandoon naman kaso hindi naman kami nakakapagkuwentuhan dahil busy sa paglilinis ganun. Eh, ako dito lang talaga sa alaga ko nakatutok ang pansin ko. Ayos lang naman dahil mabait naman ang alaga ko. Ang pogi pa mana sa ama." kinikilig pa ito
