Habang nagsasalita ang Pari sa gitna nilang dalawa ni Zyd, hindi siya mapakali. Naglilikot ang kaniyang utak at napapasulyap sa sapatos na suot niya. Teka, tumalim ang kaniyang tingin sa bubblegum na dumikit sa gilid ng kaniyang sapatos. Mabilis siyang yumuko para alisin ito nang tawagin siya ni Father.
"Mrs. McCluskey?!"
"Present—" nagtaas siya ng kamay pero agad din napatakip ng bibig at umayos ng tayo. Lihim siyang napakagat ng labi nang maalala ang kaniyang naging sagot.
Lianne umayos ka nga! Ano ba'ng nangyayari sa'yo? Gusto niyang sampalin ang sarili sa nagawang sagot. Kailan siya naging Mrs. McCluskey? Kailan? Ito yata ang resulta ng maraming problema, nakakabaliw.
Huminga ng malalim ang Paring nagkakasal sa kanila habang hindi naman maipinta ang pagmumukha ni Zyd sa tabi niya.
