"Kanina ka pa tahimik, are you okay?" tanong ni Kian.
Magkahawak kamay sila habang papunta sa isang cake shop. Napagpasyahan kasi ni Kian na dumaan muna doon para bilhin ang paboritong cake ng kapatid at nanay nito bago sila pumunta sa bahay nito. Pero habang papunta sila sa cake shop, napapansin nito ang pananahimik niya simula nang lumabas sila ng sinehan.
Lumingon si Clarita dito at tumango. Binigyan niya ito ng tipid na ngiti. Napabuntong-hininga si Kian at 'di na nagsalita. Pumasok na sila sa cake shop at agad na nag-order si Kian ng black forest at red velvet cake. At habang naghihintay ay umupo muna sila sa may upuan sa gilid para sa mga customer na naghihintay ng order.
Marahang pinisil-pisil ni Kian ang kamay ni Clarita at pagkunwa’y hinahalik-halikan ito. “I know you’re not
