Pansin na pansin ni Clarita ang malaking ngisi ni Kian habang nagmamaneho ito ng kotse. Nakahawak ulit ito sa kanyang kaliwang kamay habang panaka-nakang sumusulyap sa kanya.
Napailing na lamang si Clarita. Kahit mature na itong tingnan ay may panahon pa ring para itong bata kung umasta. Gaya na lamang ngayon. Pagkatapos nang halikan nila kanina ay ngumiti lang ito nang pagkalaki-laki at pinaandar na ang sasakyan.
“Dapat na ba akong matakot kasi kanina ka pa nakangiti mag-isa diyan?” ‘di mapigilang kumento ni Clarita.
Napatawa naman ito at sumulyap muna sa kanya saglit bago itunoon ulit ang paningin sa daan. “I’m just happy. Hindi ba pwedeng maging masaya lalo na kung kasama mo ‘yung taong nagpapasaya sa’yo?” sagot nitong hinalikan pa ang likod ng kamay niya.
Agad namang namula ang
