Nang makarating sila sa hapagkainan ay nandoon na pala ang mga kapatid ni Kian. Nakaupo na ito sa kanang bahagi ng mahabang mesa. Marami na ngang pagkain ang nakahanda sa mesa at may mga made din na paroo’t parito na may dalang mga pagkain. Ibinigay ni Kian sa mga ito ang dalang cake. Parang nalulula si Claire na nakatingin sa mga kapatid ni Kian. Kilala niya ang dalawa dahil naging estudyante niya ang mga ito––si Kristoff at si Keith. Pero ang dalawa pang lalaki na mukhang kambal din na nakaupo sa kaliwang bahagi ng mesa. Mukhang nasa mga quince ang mga ito at ang katabi nitong babae na mukhang nasa deiciocho ay ‘di niya kilala.
Napalingon ang mga ito nang dumating sila.
“Oh, nandito na pala ang mga kapatid ni Kian,” nakangiting sabi ni Blair.
“Teacher Claire!” magkasabay na tawag ng
