Napagpasyahan ni Clarita na isang itim na damit na may butones mula sa taas hanggang sa dulo ng damit ang susuotin niya. May kwelyo ito at hanggang tuhod ang haba. At mayroon itong sunflowers na disenyo.
Napatulalang nakatingin sa kanya si Kian habang papalabas siya ng bahay. Bahagya pang nakaawang ang mga labi nito na para bang gandang-ganda ito sa kanya. Hindi maiwasang pamulahan ng mukha si Clarita habang papalapit siya dito.
“You’re so beautiful, Claire… Parang ayaw na kitang ilabas baka magkaroon ako ng maraming kakompetensya. It’s just not fair for me,” anitong di siya hinihiwalayan ng tingin.
“‘Di ko alam na lalaki ka palang bolero, Kian,” naiiling niyang sabi.
“I’m not even kidding, ba’t ba ayaw mong maniwala sa akin? But that’s okay. I will show you everyday how I feel for yo
