“WALA akong alam sa nangyari,” saad ni Ira.
“Hindi ako naniniwala! Paanong wala kang walang alam sa pinaggagawa ng sarili mong ama?” singhal ni Xyrus sa kanya.
Halos mapaatras si Ira sa takot. Hindi siya natakot sa pagsigaw ni Xyrus. Mas natakot siya sa nakikita sa mga mata nito. Ngayon lang niya ito nakita na nagalit nang husto. Kung naglalabas lang siguro ng apoy ang mga mata nito, kanina pa siguro sila naging abo ng mommy niya.
“Totoong walang alam ang anak ko sa mga gawain ng daddy niya. Huwag mong isisi sa kanya ang kasalanan ni Abner. Wala siyang kinalaman doon,” mahinahong sabad ng mommy ni Ira.
Hindi pinansin ni Xyrus ang sinabi ng kanyang ina. Ngunit nakita niyang kumuyom ang mga kamao nito.
“Kuya Xyrus!”
Napalingon silang tatlo sa pinanggalingan ng tinig. Napansin ni Ir
