“HEY! SAAN ka pupunta?”
Hindi sumagot si Ira. Dire-diretso lang siyang naglalakad sa gitna nang lumalakas na ulan. Ngunit bago pa siya makarating sa gate, nasa harapan na niya ang Jeep. Biglang bumukas ang passenger door at sumungaw ang mukha ni Xyrus.
“Pumasok ka na. Huwag ng matigas ang ulo. Nakikita tayo sa CCTV. Ayaw mo rin naman maging tampulan ng tukso bukas kung magsusumbong iyang guard sa principal ninyo,” seryosong wika ni Xyrus.
Agad na lumipad ang tingin ni Ira sa guard house. May nakaupo nga roon na guwardiya at nakatingin ito sa kanila. Napilitang pumasok si Ira saka tiniklop ang payong.
“Kung ikaw ang boss ng security agency, puwede mo namang kausapin iyong guard,” ani Ira nang palabas na sila ng gate.
Nilingon siya ni Xyrus bago ito muling tumingin sa kalsada. “Kahit ka
