عشق وعشاق

الفصل التاسع

يحمل داني شيفاي و يضعه ع تخت وتكون سوربي خايفة كتير ويتصل بدكتور

داني : سوربي لا تخافي هلا دكتور بيجي

سوربي : بتمنى ما يكون صار معه اشي خطير

تصل بافيا ع مطار و بسرعة تروح ع المستشفى مع رودرا متمسكة فيه كتير خايفة

رودرا بيحس كتير بافيا قريبة منه

تكون جوري بغرفتها متترددة شو تلبس علشان موعدها مع اومكارا بتلبس فستان أزرق طويل

سويتلانا بالمطبخ تجهز للعشا ، سويتلانا " انا راح أعلمك مين تكون سويتلانا كابور يا سيد فير كانا "

بيوصل الدكتور ع فندق ويدخله داني ع غرفة شيفاي

دكتور بيفحصه و تكون درجة حرارته عالية ويكون جلده متحسس

دكتور : هو بيعاني من حساسية اشي ، شو اكل اخر اشي

داني : احنا ما بنعرف شو اكل

دكتور : طيب بتعرفوا شو نوع الحساسية يلي يتحسس منها

سوربي تتذكر "عندما كانت صغيرة عزمت عليه شوكلاته بفستق السوداني واكلها واغمى عليه وبهدلتها امه وحكتلها يعاني من حساسية فستق سوداني "

سوربي : ايه صح بيعاني من حساسية فستق سوداني

دكتور : هو أكل كمية كبيرة ، علشان هيك متأثر كتير و درجة حرارته عالية

داني : غريب شيفاي شخص واعي، لازم يكون حذر

سوربي : شيفاي دايما حذر ع صحته بس ما بعرف شو صار معه

دكتور : هلا اوصفله أدوية مضادات ، وأدوية تقلل من تأثير حساسية ، ديروا بالكم عليه

دكتور يطعم شيفاي الأدوية ، وبده يعطيه ابرة سوربي ما بتستحمل الموقف تطلع برا غرفة وتصير تبكي

داني : شكرا الك دكتور

ويطلع دكتور ، يروح داني عند سوربي

داني : لا تخافي راح يكون منيح، روحي ارتاحي بغرفتك و اتحممي ، وتعالي عنده

سوربي : ما فيني أتركه

داني : لا تخافي عليه

سوربي : اوكيه

توصل بافيا للمستشفى و تروح عند خالتها

بافيا : خالة كيفها امي

الخالة : لﻹسف خسرناها

بافيا تنصدم وتوقع ع الارض وينزل رودرا لعندها و يحضنها بتصير تبكي ويبكي معها بعدين يروحوا ع بيت بافيا

بيجي وقت المسا بتطلع جوري من البيت يكون اوم يستنى فيها ، يطلع عليها " هي شركتي و توئم روحي وما راح أتركها ابدا " بينزل من سيارة يسلم عليها

اوم : انتي طالعة كتير حلوة

جوري : شكرا الك

اوم بيفتح باب سيارة الها و تركب و يروحوا ع المطعم

سويتلانا تنتهي من تحضيرات العشا

ويرن الجرس البيت وتروح تفتح الباب ويكون فير .

فير : حبيبتي طالعة اليوم غير شكل

سويتلانا تبوسه من خده : عندك شك

فير :اكيد لا تفضلي الورد مني الك .

سويتلانا : شكرا الك حبيبي تفضل

بيروح يسلم ع ارتي و ياش

ارتي : فير اليوم سويتلانا طبخت علشانك

فير : بتمنى الاكل ما بيكون محروق

سويتلانا : هلا تذوقه وتجربه ماراح تنساه بحياتك

سوربي بغرفتها بدها تروح عند شيفاي و تلاحظ ورقة من بافيا"سوربي انا طلع عندي شغلة مستعجلة لهيكا رجعت ع هند مع رودرا"

سوربي " اكيد صاير معها اشي " بترن عليها ما بترد . " انا بكرا راجع راح اعرف شو يلي صار"

بتروح عند شيفاي تتطلع عليه و تشوف حرارته تكون منيحة " هيك تمام حمدلله ما صار معك اشي ، ما كنت بعرف شو يصير معي اذا فقدتك شي يوم " بيدها تلمس وجه وتبوسه ع جبينه . وتحس بنعاس و تنام حده وهم مبتعدين عن بعض

سويتلانا تقدم الأكل لفير وارتي و ياش

بيصيروا يمدحوا بالأكل الا فير

فير " لك شو عاملة ، حاطة كل ملح و فلفل بشوربتي "بصير يكحه بزيادةما يستحمل حدة شوربة

سويتلانا : لك شو صار معك فير بدك مي

فير مش قادر يحكي يؤشر ع كاسة المي . تقوم سويتلانا وتعطيه مي . بصير ارتي و ياش يضحكوا

تدخل جوري ع مطعم مع اوم وتتفاجاة بزينة و حلاوة الد*كور

جوري : ليش كل هذا

اوم:كله كرمالك تعالي . بيقعدوا ع طاولة

اوم : انا بدي احكيليك يلي بقلبي

جوري : شو يلي بقلبك

اوم : اوعديني راح تسمعيني لآخر

جوري : بوعدك

ياش وارتي بيخلصوا عشا بيحكوا لفير وسويتلانا :

لما تخلصوا عشا تعالوا ع غرفة القعدة . ويروحوا

فير : انتي شو عملتي

سويتلانا : انا عملت يلي طلبته مني

فير : انا طلبت منك تعملي اكل ، مش اكل حار

سويتلانا : علشان تتعلم ما تطلب مني اشي مرة تانية

يقوم فير يروح لعند سويتلانا و يسحبها لعنده

فير : انتي لازم تصلحي الخطأ يلي عملتيه

سويتلانا : شو بدك اياني اعمل

فير يقترب منها بزيادة راح تقبليني

سويتلانا : انت جنيت أهلي هون

فير يقترب اكتر ويقبلها بشغف

اوم : انا راح اخبرك بعلاقتي بريدهيما

جوري : طيب ليش

اوم : هيك

اوم بيحكي كل شي بيخص ريدهيما، وأنها لا تعنيه شي

جوري : انا فكرت تحبوا بعض

اوم : هو صح ، إني احب وحدة بحياتي بس مو هي

جوري : طيب مين بتكون

يوقف اوم يروح لعند جوري ، وينزل رجله تنصدم جوري و توقف ويمسك ايدها

اوم : جوري انا بحبك اتمنى تكوني شريكة حياتي ، انتي كتير مميزة بحياتي انا كتير بحبك

جوري : بس انا

اوم : بترجاكي جوري سمعيني الحكي يلي بده أسمعه

جوري كتير انبسطت من حكي اوم : اوم وانا كمان كتير بحبك

يوقف اوم ويحضنها ويلف فيها وبنفس الوقت بينزل عليهم الورد من فوق

سويتلانا : خلص فير بعد عني هلا امي بتيجي

فير : طيب انا بحبك ، كتير مشتاقلك خليكي بحضني. فجأة يرن تلفون فير ويكون رودرا

ويخبره بكل شي صار مع بافيا

فير يروح يخبر ياش بكل شي

ارتي : طيب وينها هلا بافيا

فير : ببيتها مع رودرا

سويتلانا : شو رايكم نروح لعندها

ترجع جوري ع بيت مبسوطة كتير

ما بتلاقي حدا بترن ع سويتلانا، وبتخبرها سويتلانا أنهم بدهم يقضوا ليلة مع بافيا

جوري تروح لعندهم ،

بافيا تكون حالتها كتير تعبانة من خسارة امها و عانقة ارتي بكل قوتها

ارتي : لا تخافي احنا معك ، وراح نظل معك

رودرا ما عم يستحمل حالة بافيا يطلع من غرفة ويقعد مع ياش و فير

ياش : لمى يخلص عزا امها راح اخذها معي ع البيت

رودرا : ليش

ياش : اكيد ما راح تظل لحالها بالبيت ، انا بدي ارجع ع البيت خليكم هون . بيطلع ياش من غرفة

فير : رودرا انت ليش هيك كانت ردت فعلك

رودرا : ما بعرف

فير : لتكون بتحبها

رودرا يتذكر لحظاته مع بافيا

فير : اذا انت ما بتقدر تعيش من دونها و ما تستحمل دموعها اوعك تترك ايدها

انا بدي اروح ع البيت ، يلا تعال معي

رودرا : اذا احتاجتني باشي

فير: لا تخاف عندها دار حماي راح يهتموا فيها

بيرجعوا ع بيت بوقت متاخر ، بيروح فير ع غرفته و يكون هنيك اوم

فير : شو تعمل هون

اوم:انا بدي اشكراك ع كل شي عملته ويحضنه

فير : ليش شو عملت

اوم : بسببك اعترفت بحبي لجوري وما تركتها

انت بس احكيلي اي اشي بدك اياه راح اعملك اياه

فير:الف مبارك،لاتخاف لما احتاجك راح اخبرك

يلا روح ع غرفتك بدي انام هلا

اوم : اوكيه ، بشوفك بكرا

في يوم تاني...

سوربي تصحى بدري وتتطلع ع شيفاي وتحكي شعر " احببتك أكثر مما ينبغي ،وليتك احببتني، ليت بيني و بينك عامر ، وبيني و بين العالمين خراب "

كيف بدي اصحيه ،تهز فيه خلص شيفاي لازم تصحى ، يلا قوم

بيصحى شيفاي ورأسه كتير يوجعه

شيفاي : انتي شو تعملي هون ، ليش راسي بيوجعني هيك

سوربي : انت مبارح اغمى عليك لانك اكلت فول سوداني

شيفاي : ييييه نسيت كيف اعمل هيك "ويتذكر لما شاف سوربي مع داني"

سوربي : كيف تنسى هيك شيفاي ، شوصار معك ،

اذا صار معك اشي شو راح يصير فيني

شيفاي يتطلع ع سوربي و متفاجأ من حكيها

شيفاي : ليش شو راح يصير معك

سوربي تنصدم من حكيها و تتردد

سوربي : انت غريب ، انت بتكون رفيق طفولتي اكيد راح ازعل عليك

شيفاي يمسك ايدها و يقربها لعنده : يعني هيك الموضوع

سوربي تتوتر بزيادة و تبتعد عنده و توقف

سوربي : يلا جهز حالك بسرعة ، داني يستنى فينا ع فطور

شيفاي : داني مرة تانية

سوربي : حكيت اشي

شيفاي : لا

سوربي : ع فكرة بافيا و رودرا رجعوا ع هند مبارح ظهر طلع عندهم شغلة مستعجلة

شيفاي : اوكيه ، راح اتحمم وانزل تحت

سوربي : اوكيه بستناك تحت ..