عشق وعشاق

الفصل الثالث

توصل سوربي عند قصر اوبيروي وتودع الجدة ، تدخل الجدة القصر ويكون شيفاي يستنى فيها

شيفاي : ستي وين كنتي

الجدة : رحت مشوار كتير مهم

شيفاي : ممكن اعرف وين رحتي ستي

الجدة : هلا تأخر الوقت ، بكرا راح تعرف كل شي ، يلا روح نام لا تنسى عندنا بكرا كتير شغل

شيفاي : اوكيه ستي ولا يهمك اشي

الجدة تروح عند غرفة روب بدها تحكي معها تفتح الباب والا روب تكون نايمة " بكرا راح احكي معها ، لا ما راح احكي معها خلي سوربي هي تدبر الموقف ع طريقتها " تروح الجدة ع غرفتها وتنام

شيفاي " يا ترى ليش ستي ما بدها تحكيلي الموضوع ، بكرا راح اعرف كل شي " ويروح شيفاي ع غرفة اوم ويلاقي اوم و رو نايمين " يلا هلا دوري انام " يروح شيفاي ع غرفته وينام

في منزل كابور ....

تكون ارتي بغرفة مع زوجها ياش تمشط شعرها ويكون ياش يقرأ كتاب

ارتي : اتمنى بكرا يمر يوم ع خير

ياش : انتي لا تخافي كل شي راح يكون تمام

ارتي : هو كل شي راح يكون تمام اذا سوربي ما تخرب الخطبة

ياش : سوربي بنت عاقلة اكيد راح تعرف كيف تدبر الموضوع

ارتي : اتمنى ذلك

ياش : يلا تعي نام تأخر الوقت بكرا عنا شغل كتير

ارتي : اوكي ، بس اطفي الضوء

ياش و ارتي يناموا وهم يفكروا بالخطبة

تكون سويتلانا مع جوري بغرفتها يحكوا ويضحكوا و يختاروا الأزياء علشان الخطبة

سويتلانا : اخ لو سوربي هون شأن هي اختارت الملابس

جوري : ما بعرف شو عم تفكر سوربي هلا

سويتلانا : اكيد عم تفكر بفير

جوري : اختي اكيد سوربي ما راح تخرب عليكي فرحتك

سويتلانا : بصراحة يا اختي انا بخاف اخسر فير ، احنا كتير نحب بعض

جوري : بعرف هالشي لا تخافي ، اكيد الحب راح ينتصر بنهاية وتحضن سويتلانا بكل حب

وفجأة يرن تلفون سويتلانا ويكون فير

جوري : اختي انا هلا اطلع علشان تحكي براحتك

سويتلانا : اوكي حبيبتي بشوفك بكرا تصبحي ع خير، تطلع جوري من الغرفة

سويتلانا : مسا الخير حبيبي

فير : مسا نور حبيبتي ، شو تعملي

سويتلانا : فير انا كتير معجوقة

فير : ليش حبيبتي شو صار معك

سويتلانا : ما في اي اشي جاهز بكرا خطبة لسى ما جهزت الفستان ولا مجوهرات ولا اشي

فير : حبيبتي عادي اشي طبيعي

سويتلانا : اكيد راح تحكي عادي لانه اغراضك ماراح يكونن كتار متل اغراض العروس

فير : عادي حبيبتي لا تهتمي لا تعصبي

سويتلانا : كيف تحكي عادي لازم اطلع كتير حلوة بكرا

فير : لا تخافي حبيبتي اكيد تطلعي حلوة هو انتي إختياري

سويتلانا : يا الله شو انك متكبر ، ليش حاس انك عم تخطط لاشي

فير : يسعدها يلي تفهمني ع سريع

سويتلانا : اه وبعدين

فير : اطلعي من غرفة بسرعة وروحي عند الباب

سويتلانا : كنت حاسة في اشي يلا هلا اقوم

سوربي تحكي مع بافيا : لازم نرتب أفكارنا علشان نعرف شو راح نعمل بكرا

بافيا : متى راح تكشفي خططهم

سوربي : قبل خطبة بلحظات

بافيا : و سويتلانا

سوربي : لا تخافي عليها انا راح اعرف اسيطر ع الوضع

يلا قومي خلينا نام علشان بكرا في عنا كتير شغل

سويتلانا بتلاقي شناتي هدايا كتار بتاخذهم ع غرفة

فير : شو عجبتك المفاجأة

سويتلانا : انا ما توقعت هيك

فير : حبيبتي بحياتنا راح تكون كلها مفاجأة حلوة

سويتلانا : اتمنى ذلك حبيبي وأشكرك من كل قلبي ع هدايا هلا راح افتحهم

فير: استني شوي ليش مستعجلة

سويتلانا : طيب شو اعمل

فير : أولا افتحي الهدية يلي لونها اصفر

سويتلانا : اوك اوامرك سيدي

فير : و بعدها حبيبتي افتحي الهدية لونها أخضر

سويتلانا : اوك استنى شوي

تفتح الهدية صفرا بتكون حلو

سويتلانا : هاي بتكون حلو

فير : ايه حبيبتي بكرا نبلش حياة جديدة بدي تاكلي حلو علشان تكون حياتنا حلوة

سويتلانا : حبيبي ان شاء كل أيامنا تكون حلوة مع بعض

فير : اكيد حبيبتي أوعدك بهالشي ، افتحي هدية تانية

سويتلانا مش معقول ،مش قادر أصدق

فير : بكونوا الك حبيبتي الفستان و مجوهرات علشان تلبسيها بكرا

سويتلانا : حبيبي شكرا الك كتير ، كنت متوترة كيف أجهز لبكرا شكرا الك لأنك ساعدتني

فير : انتي بتكوني خطيبة فير خانا لازم تطلعي مميزة

سويتلانا : حبيبي دايما مغرور بحاله

فير : يلا حبيبتي بدي انام ولا تفكري فيني علشان انام

سويتلانا : اذا ما فكرت فيك بمين أفكر يلا باي يشوفك بكرا

فير : تصبحي ع خير حبيبتي

يطلع اليوم تاني

سوريي : يلا اصحي بافيا علشان تروحي ع شركة

بافيا : خليني بس شوي

سوربي : قوووووومي

بافيا : اوكي قايمة بس دون صراخ

سوربي : مش عم اصدق

بافيا : شو صار

سوربي : بكيف انسى هااشي

بافيا : احكيلي شو صار

سوربي : وين تلفوني

بافيا : عند شاحن شو صار معك

لازم احكي مكالمة تحكي سوربي مكالمة مع شخص ما وبعد ما تخلص

بافيا : كيف تنسي هيك موضوع

سوربي : ما بعرف حمدلله تذكرت

بافيا : هلا بدي اروح ع شركة لما اخلص حمام

سوربي : لا تنسي خذي مغادرة بدري

بافيا : اوكي معلمتي

عائلة اوبيروي ع طاولة الإفطار عم يحكوا عن مراسم الخطبة كيف راح تجهز

روب : وين امي ما تشاركنا

الجدة: انا هوون اعملت شغلة لازم أعملها من زمان

روب : ايش هي

الجدة : بعدين راح تعرفي كل شي

رو : شيفاي بدك تروح ع شركة

شيفاي : اكيد بدي اروح

رو: لكن خذني معك عندي مقابلة مع سيد باجاج

شيفاي : يلا قوم

شيفاي رو : يلا باي ستي

الجدة : وين اوم

روب : راح مع فير ، عند مخطط الخطبة علشان يجهزوا الترتيبات في بيت عايلة كابور

الجدة : يلا هيك تمام

وصلت بافيا ع شركة وجهزت أوراق المقابلة رودرا مع سيد باجاج

يدخل رو ع مكتب

رو : صباح الخير

بافيا :صباح النور استاذ، تفضل استاذ

رودرا : جهزتي علشان المقابلة

بافيا : اكيد استاذ

رودرا : ممكن توصي ع فنجان قهوة

بافيا : هلا بجبلك قهوة

اوم مع فير عند منسق يتفقوا يكون موعد الخطبة ع ساعة خمسة ويطلعوا من عنده ويروحوا يشتروا أواعي

اوم : ليش ما حكيت مع سويتلانا

فير : ليش

اوم : علشان يكون ملابسكم متناسقة مع بعض

فير : لا تخاف راح يطلعوا متناسقة ، انت اشتري الك و اخواتك ع حسابي

اوم : اكيد من دون توصاية ، طيب ليش واثق من حالك

فير : لأني انا اخترت الفستان و مجوهرات

اوم : انت واحد ذكي

فير : اكيد دون شك

بصيروا يضحكوا

ارتي عم تجهز البيت علشان تستقبل الضيوف مع ياش

ياش : تتذكري حبيبتي يوم خطبتنا شو صار

ارتي : كيف بدك اياني انسى شو عملت

ياش : اكيد ما راح تنسي رومانسية ياش كابور ويقربها لعندوا

ارتي : خلص ياش هلا بشوفنا

ياش : ما بهتم انتي حبيبتي

ارتي : احنا اكبرنا ع هيك شغلات

ياش : يقربها اكتر منه ، العمر يكبر بس الحب يزيد مو هيك كنتي تحكي

ارتي تخجل منه وتجي لعندهم سويتلانا ويبعدو عن بعض

سويتلانا : انا اسفة

ارتي : لا عادي تعالي حبيبتي وعانقيني

يخلص اجتماع رودرا

رودرا: بافيا الغي كل مواعيد اليوم في مناسبة خاصة بالعيلة

بافيا : بعرف ،اكيد راح الغيهم ، بس استاذ ممكن طلب

رودرا : تفضلي

بافيا : اليوم خطبة اخت صاحبتي ممكن اغادر بدري أحضرها

رودرا : مين صاحبتك

بافيا : أستاذ انت بتعرفلها اكيد سوربي كابور

رودرا : هاي بتكون صاحبتك

بافيا : ايه استاذ ، هي نفسها يلي بهدلت استاذ شيفاي ع تلفون

رودرا : مو معقول ، طيب شو رايك نشرب فنجان قهوة و نتعرف ع بعض ونصير أصدقاء مدام في أصدقاء مشتركين بينا

بافيا : اوكي أستاذ

رودرا : خلص بلاها أستاذ ناديني رودرا

بافيا : اوكي ما عندي اي مشكلة

بيقعدوا ويشربوا قهوة ويتعرفوا ع بعض

رودرا" بحس تفكير بافيا قريب مني "

بافيا " احس اني برتاح لما احكي معه "

سوربي ترن ع بافيا

بافيا: الو سوربي

سوربي :وينك بافيا متى بدك تجهزي حالك ما ظل وقت كتير

بافيا : نسيت هلا اطلع بسرعة ، عن أذنك استاذ لازم اروح بشوفك بحفلة

يجي شيفاي عند مكتب رودرا

شيفاي : انت هون وانا بدور عليك

رودرا : لك ليش

شيفاي : يلا بسرعة متى تلحق حالك تجهز علشان خطبة فير

رودرا : يييييه لك نسيت يلا بسرعة انت ليش مهمل هيك

شيفاي : امشي قدامي بسرعة

رودرا : يلا طالع لا تعصب مغرور .....