C H A P T E R 2 7:
T O O H A P P Y
NAALIMPUNGATAN si Natalie sa mga sunud-sunod na katok mula sa labas ng kanyang silid. Pupungas-pungas ay umupo siya nang tuwid. Noon lang niya nahinuhang nakalubog pala ang katawan niya sa tubig. Nagtaka pa siya kung bakit siya nasa bath tub.
"Natalie?"
Wala sa sariling tumayo siya. Si Lira iyon mula sa labas ng kuwarto. Walang patid ang pagkatok nito na kulang na lamang ay ikawasak ng pinto. Ni-lock niya talaga iyon para hindi makapasok si Bradley. Hindi pa rin siya nakaka-move-on sa ginawa nito... at sa suka nitong parang hanggng ngayon ay nadarama pa niya sa dibdib niya.
"Natalie!"
"Wait!" Kinuha niya ang tuwalyang nakasampay sa malapit at umalis sa bathtub, madaling pinunasan ang katawan.
"Natalie!"
"S-saglit!" Walang saplot na luminga-lin
