C H A P T E R 2 0:
M U S I C... S O M E T H I N G
HINDI malaman ni Natalie kung matatawa ba siya o maiiyak. Aaminin niya, saksi ang mga kagamitan at rebulto ng mga hubad na babae sa mansyong iyon, nagpupuyos siya sa galit.
Tulad noon sa relasyon nila ni Jake, ibinababa niya ang sarili. Ni hindi niya magawang paniwalaan ang mga sabi-sabi patungkol sa pagkabakla nito. Hinayaan pa niya na ma-engage siya kahit alam niya na niloloko na siya nito noon.
Natural, mahal niya; natural, magpapakatanga siya, at iyon na naman ang ginagawa niya—nagpapakatanga.
Noong nakaraang gabi, hindi niya nagawang umiyak kahit gustuhin niya. Kahit parang isinilid siya sa freezer ng ilang linggo habang pinanonood ang ginagawa ni Bradley at Ivanna. Marahil, maging ang puso niya ay nabulatan ng yelo nang mga san
