Kinabukasan ay nagising si Darcelle at napansin ang text ni Claude nang makita ang phone niyang malapit sa kamay niya. Nanlaki pa ang mga mata niya dahil napakahaba ng text na iyon ng binata.
Lam kong wala akong karapatan pra magselos dahil kaibigan mo lng ako. Pero alam kong darating din ang araw na magkakaroon ka rin ng bf at itsapuwera na ako sa buhay mo, hippo. Patunay na nga ang nangyari kagabi at magkasama kayo nang magdamag ni Raven. Ayos lang. Magiging maayos lang din ako. Wag muna tayong magkita ngayon. I-enjoy mo lng ang relasyon nyo ni Raven. I wish you both happiness.
Nganga siya sa text nito. “Ano raw?” Saka napatawa siya nang mapakla. “Anong drama ‘to?” Napasulyap siya wall clock at saka napasinghap. Kailangan na niyang magbihis para magsimba. Susunduin siya ni Raven mamaya
