"Ezy, dear, why are you standing there? Halika na rito!" pagtawag sa akin ni Mildred nang makita niya ako.
Ngumiti ako ng pilit at saka naupo na sa tabi niya.
"Bakit ang tagal mo?" tanong ni Rich sa akin. Tiningnan ko siya sa mga mata at para bang kusa kaming nagkaintindihan na dalawa.
Kumuha ako ng isang beer at saka mabilis itong tinungga. Halos masuka pa ako sa pait pero gusto ko lang itago ang nararamdaman kong inis. Baka kasi hindi ako makapagpigil at sabihin ang lahat kay Mildred.
Natigil kaming lahat nang may biglang umakyat na lalaki sa stage at nagsimulang tumugtog. Narinig ko pang nagpalakpakan ang mga tao kasabay nang pag-dim ng lights.
"Oh, my gosh! Ito talaga ang mga inaabangan ko rito," sabi ni Mildred na pumapalakpak din. Nakita ko naman si Rich na tutok na tutok din sa
