“Anna!” sinalubong siya ni Yaya Dolor sa sala at agad siya nitong niyakap ng mahigpit.
“Saan ka ba nagpunta? Sobra mo akong pinag-alalang bata ka! Pati mga tawag sa’yo hindi mo sinasagot!” hinampas pa nito ng bahagya ang braso niya at ramdam na ramdam niya ang frustration nito sa kanya.
“Ano ba’ng gagawin ko sa’yo..” Umiiyak nitong sambit habang yakap pa rin siya ng mahigpit.
Kung sana lang ay si Yaya Dolor na lang ang magulang niya…
Pinigilan niya ang namumuong luha sa mga mata niya at mabilis siyang kumurap-kurap. Kapagkuwan ay marahan niya itong itinulak.
“Hindi na ako bata, Ya. Ano pala ang sabi ng mga bisita?” tukoy niya sa mga magulang niya.
“Ano pa? Eh di nagagalit dahil hindi ka umuuwi at ni hindi ka makausap…”
Nagagalit. Nagagalit ang parents niya pag hindi siya umuu
