MADELIN
AGAD akong naligo at nagbihis. Isang fitted jeans at simpling blouse lamang ang napili kong suot na tinernohan ng itim na sandals.
Tulad ng lagi kong ayos ay nakalugay lamang ang aking deretso at lampas balikat na buhok. Maingat na inayos upang bahagyang matakpan ang nasira kong pisngi.
Naglagay lamang ako ng konting pulbos at lip gloss saka agad na akong pumunta ng garden kung saan naulanigan ko kanina ang mga boses na masayang naguusap-usap.
Nakita at naratnan ko na rin roon sina Aling Brenda at Aling Martha. Masaya rin silang nakikisali sa kuwentuhan nila Lola.
Kahit nga si Elizabeth ay naroon din, malawak ang ngiting nakamasid lamang sa masayang kuwentuhan ng mga kasama habang lumalantak ng tila kaka-bake pa lang na capcake.
Kaya kahit medyo mabigat pa rin ang dibdib
