Vaniella's POV
Ipinagkibit-balikat ko ang pagtindig ng aking mga balahibo. Baka nagkamali lang ako ng pakiramdam. Baka nilalamig lang ako sa simoy ng hangin lalo na at medyo makulimlim ang panahon ngayon. May parating yata na bagyo kaya kahapon pa makulimlim. Mabuti na lang at hindi umuulan, bumababa kasi ang temperatura lalo rito sa Baguio kapag umuulan.
Hinatid ako nina Liryo at Isagani sa dorm ko. Magkatabi lang naman ang mga kwarto namin pero iyong sa kanila ay exclusive for boys only. Tapos, tig isa silang room. Sa amin kasi nina Ate Lailanie, Lalyn at Jelay, iisang kwarto pero tig isa kaming kama, parang walang privacy dahil nakikita namin ang ginagawa ng isa”t isa. Wala namang problema sa akin dahil kasundo ko naman sila. Ang mahirap ay kung hindi ko sila kasundo, maiitsa-pwera ak
