Chapter 8- Ibuka Mo Na
“Bago ka mag eighteen, ipagtatapat ko na ang lahat sa’yo.”
Ang sinabing ito ni Rex ang nagpagulo sa isip ni Tasha buong maghapon. Hinalughog niya ang buong bahay, ang kasulok-sulukan hanggang sa front porch at backyard, pati na ang attic sa third floor pero ni isang tao ay wala siyang nakita. Walang hardinero, walang kusinera, walang kasambahay, lahat wala. Mukhang nagsasabi ng totoo si Rex, iniwan na siya ng kanyang mga magulang at lahat ng tauhan nila.
Bakit? Ang hirap paniwalaan na sa isang iglap nawala ang lahat sa kanila. May kinalaman ba ang anino sa kamalasan na nangyayari sa pamilya niya? Simula kasi nang naging marahas ito sa panaginip at lumalakas sa pagpaparamdam ay unti-unti na silang dinadapuan ng malas.
Ang basag-basag na salamin ay nanatili lang
