Chapter 54 : Si Boris ba ito?
Lori’s POV
One year later
Hindi pa man ako nakakalabas sa bahay namin ay tinatawagan na ako ni Malcolm. Dalawang araw lang akong nagbakasyon sa amin, akala mo naman ay tinakasan ko na siya. Kung kaya ko lang gawin iyon ay ginawa ko. Kaya lang hindi puwede at hawak niya ako sa leeg. Pamilya ko ang malalagay sa alanganin kapag ginawa ko iyon.
“Oh?” iritado kong bungad sa kaniya.
“Huwag mo nga akong ginaganyan. Baka kung ano ang magawa ko sa ‘yo, Lori,” galit niyang sabi sa kabilang linya. “Nasaan ka na ba? Ang sabi mo, alas otso ng umaga ay narito ka na? Alas dyes na ng umaga, pero wala ka pa. Saan ka pa ba nagsuot?”
“Kung hindi mo ako pinahanap ng mga manok ng buhay, kanina pa sana ako nariyan,” sigaw ko sa kaniya habang napapairap. Sumakay na ako sa jee
