Chapter 32 : Boyfriend
Boris POV
Sumilip ako sa kabaong ng kapatid ng nanay ni Lori. Ibang klase, ang ganda niya kahit patay na. Mukhang sa angkan ng nanay ni Lori nakuha ang ganda niya dahil kahit mukhang may edad na itong tiyahin ni Lori ay maganda pa rin. Nag-sign of the cross ako bago ako umalis doon. Tinawag na kasi ako ng nanay ni Lori. Pumunta kami sa kusina.
"Anak, Boris, kumakain ka ba ng lugaw?"
"Opo naman po. Hindi na ho ako maarte sa pagkain," sagot ko. Naupo kami ni Lori sa hapagkainan. May aleng naglapag sa lamesa ng mga plato. Mukhang kapatid din ito ng nanay ni Lori dahil kamukha niya rin ito.
"Don't worry, iho, masarap ito. May manok at itlog pa. Kusinera ang kapatid ko sa barko noon kaya pang malakasan ang luto niyan," puri ng nanay ni Lori sa kapatid niya na nagluto
