Chapter 69 : Naughty
Lori’s POV
Ang gagang si Selena pala ang nagbigay ng phone number ko sa kaniya. Tumawag si Bampi dahil natatandaan din pala niya ang sinabi ni Boris na ako ang sumasalo sa sakit ni Malcolm sa tuwing sasapit ang kabilugan ng buwan. Inalam niya kung maayos lang ba ako.
Naalala ko tuloy iyong sinabi niya kanina nang ihatid niya ako sa bayan pag-uwi namin galing sa bahay namin. Sinabi niya sa akin na kaunting tiis na lang dahil malapit na raw mabura sa mundo si Malcolm. Todo pigil pa rin ako sa kaniya dahil baka kung ano ang gawin niya. Hindi naman siya sumasagot sa kung ano nga ang gagawin niya kaya kinakabahan ako. Ang dapat kong gawin ay tigilan na lang ang pakikipagkita at pakikipag-kausap sa kaniya para mailigtas ko si Bampi. Mapapahamak siya at iyon ang dapat na
