Chapter 50 : Ang dalawang litrato
Boris POV
Napapansin ko na kanina pa sunud nang sunod sa akin si Manang Rosita. Halatang hindi pa siya kumakain kaya tumayo ako para pumunta sa kusina. Walang tao roon dahil ang lahat ay nasa labas. Pagdating sa hapagkainan ay naghanda ako ng isang plato. May mga pagkain naman sa lamesa kaya naupo ako roon para tawagin siya.
“Kanina pa ho kayo sumusunod sa akin. Kumain na muna kayo, Manang Rosita,” sabi ko sa kaniya.
“Napansin mo pala ako,” sagot niya at saka na ito naupo. “Sumusunod lang ako sa habilin sa akin ng lolo mo,” dagdag pa niya.
“Sa tingin niyo po ba ay totoong naghabilin siya sa inyo? Dapat niyo ho ba siyang sundin?” tanong ko.
Nagsandok na siya ng kanin. Tumayo ako para sandukan siya ng mga ulam sa plato niya. Simula bata ako ay siya na
