Mabilis na talaga akong lumabas ng restaurant kung saan kami nagkausap ng lalaking iyon.
“Sam!” Narinig ko pang tawag niya sa akin ngunit hindi ko na talaga siya pinansin at nilingon pa.
Ang gusto ko lang ay ang makaalis kaagad sa lugar na ito.
Ang malayo sa walang hiyang lalaking iyon!
“Kuya, taxi!” Para ko kaagad sa taxi na paparating sa akin.
Huminto naman ito at mabilis akong pumasok.
“Sam!” Muli ko na namang narinig ang pagtawag niya sa pangalan ko.
“Kuya, tara na po, please!” utos ko sa taxi driver.
“Yes, Ma’am.” Iyon lang ang tanging naging tugon ng taxi driver bago nito pinaandar ang sasakyan niya.
“Sam!” Sigaw muli ng lalaking iyon ngunit talagang hindi ko na ito pinansin.
Ang kapal ng mukha niyang aminin sa akin na nagkarelasyon sila ni Nil?!
