بيت العيلة البارت الثامن
2240 Words
بيت العيلة
الجزء الثامن
بقلم / غادة سعيد
الرسالة كانت بتقول . . . . . . . .
_ ابعدي عن احمد دا مش طبيعي هتتعبي جدا معاه وهتتأذي وهيحصلك حاجات عمرها ما حصلتلك . . . . . . . . .
قفلت تليفونها وهي قلبها مقبوض وحاولت تتصل بالرقم ده لكن الرقم اتقفل في لحظه .. . . . . . . .
مسكت التليفون وقعدت تتصل ب احمد مش بيرد عليها قالت انه اكيد كان زعلان من كلامها لكن قررت متقولهوش اي حاجه بخصوص الرساله خالص لحد ما تعرف حكايته ايه بالظبط وهي هتبقي تصارحه بخصوص الرسالة . . . . . . .. .. .
نامت عشان تاني يوم تروح للدكتور وبعد الفجر لقت تليفونها بيرن احمد بيتصل . . . . . .
_ الو ايوة يا احمد . . . .
في حاجه ولا ايه انا اتخضيت اوي انك بتتصل في وقت زي ده . . . . . .
= لا اصلي لقيتك متصله كتير وانا فالوقت من ١٢ لحد الفجر ببقي مشغول في كذا حاجه فا مبقدرش ارد . . . . . . .
_ بتبقي مشغول في ايه متأخر كده بتشتغل بليل . . . . . . . .
= لا مش بشتغل بس انا عندي ظروف خاصة شوية . . . . ..
انتي كنتي عاوزه حاجه متصله كتير . . . . . . .
_ انت شكلك زعلان بقي من كلامي عالعموم انا اسفه بس انت الي اتعصبت عليا لما ركبنا العربية . . .. . . . . ..
= مش مهم الكلام ده انسي وانتي قولتيلي متدخلش في حياتي تاني فا خلاص ده كلام ملهوش لزمه . . . . . . .. .
_ انت بتعاقبني يعني ده كان كلام انفعالي وبعدين مانت الي زعقتلي وخليتني اقول كده . . . . . . ..
= انا اولا مكنتش اقصد ازعقلك بس انتي تصرفاتك كلها غلط انتي حتي مقولتليش انك رايحه فين خليتيني ماشي وراكي زي الاهبل كده مش عارف رايح فين وانا لولا اني جيت محدش كان عارف ايه ممكن يحصلك . . . .. .. . .
_ انت هتذلني عشان وقعت في مشكله وانت وقفت جنبي . . . . . . .
= بقولك ايه متقلبيش المواضيع انا بتكلم كده عشان خايف عليكي زي اختي منا ممكن حد من اهلي يتحط فالموقف ده . . . . . . . . . .
وبعدين تقفلي بقي انا مش عاوز اتكلم تاني . . . . . . . ..
وراح قفل السكه في وشها . . . . . .
لمياء كانت مصدومه من رد فعله و قعدت تعيط اكتر من ساعه بسببه وقالت انها مش هتدخله في حاجه تاني ونامت عالسرير وهي معيطه . . . . .
الساعه ٧ الصبح تليفونها رن احمد بيتصل راحت قفلت عليه راح باعتلها رساله .. . . . . .
_ فيه اخبار بخصوص فيروز . . . . . .
اتصلت بيه بسرعه . . . . . .
= اخبار ايه انطق بسرعه . . . . .
_ فيه واحد ظابط صاحبي جالو بلاغ ان فيه بنت مخطوفه شكلها قريب من فيروز وودوها عالقسم ابعتلك صورتها . . . .
= من غير متبعت قسم ايه بسرعه . . .. . .
_ اجهزي وانزلي هتلاقيني تحت بيتك . . . . . . .
= لمياء لبست بسرعه اي هدوم عندها حتي ملحقتش تلم شعرها سابته سايب زي مهو . . . . . . .
هي علي طول متعوده تلمه ل فوق لانه ناعم وطويل جدا فا كان بيضايقها لكن المرة دي سابته زي مهو ونزلت بسرعه . . . .
ومنتبهتش حتي لمنظر عنيها لونها احمر لأنها نايمه معيطه من امبارح بسبب كلام احمد . . . . . . .
نزلت تحت لقت احمد واقف مستنيها بالعربيه ركبت جنبه فالكرسي ودورت وشها الناحيه التانيه . . . . . .
_ مكنتش عوزاك تتعب نفسك انا كنت هروح عشان مترجعش تعايرني بالكلام . . . . . .
= اعايرك انا مكنتش اقصد اي حاجه وبعدين انتي مدورة وشك ليه بصيلي كده . . . . . .
_ اهو عاوز ايه . . . . .
= انتي مال عينك . . . .
_ مالها . . . . .
= بصي فالمراية وانتي تعرفي مالها انتي نايمه وانتي بتعيطي . . . . .
_ لا
= عينك بتقول انك بتكدبي متقلقيش ان شاء الله هنلاقيها . . . . .
_ انا المرة دي مش نايمه معيطه بسبب فيروز انت السبب انت قولتلي كلام يجرحني وقفلت السكه في وشي انت ازاي تعمل معايا كده انا واحده مستنيه الاقي اي امل ان بنتي تكون موجوده وترجعلي وانت كل الي بتقوله اني مستهترة ومش بفهم لا يا احمد انا أم عرف يعني ايه ام انا مستعده ارمي نفسي فالنار والاقي بنتي اتطمن عليها اشوفها لو هموت بعد مشوفها بس انا قلبي محروق انا بتعامل مع الناس ب حسن نيه عمري ما يجي في مخيلتي انه كان ناوي يغدر بيا ولو جه وطلب مني السماح تاني مرة اكيد هسامحه لأني هبله وع**طه . . . . .. .
= بس بس يا لمياء انا اسف والله انا مكنتش اقصد انا كنت خايف عليكي وبعدين كنت خايف كمان علي قميصي الابيض عشان هتوسخيه . . . . . . .
راحت لمياء ضحكت . . . . . .
_ قميصك الابيض انا غسلتهولك وهجيبهولك مكوي متقلقش . . . . . . .
= لا انا عاوز واحد جديد انتي اكيد بوظتيه . . . . . .
_ لا متخافش عالقميص . . . . ..
= انا بس بحاول اخليكي تضحكي لأنك شبه الزومبي ب عينك دي . . . .. .. . ..
_ الله يسامحك انا زومبي وانت شبه هالك ب جسمك الضخم ده . . . . .
= الفورمه دي محدش يعرف يعملها في عشر سنين بس للأسف بطلت العب حديد . . . . .
و أهو يا ستي وصلنا للقسم . . . . .. . .
لمي شعرك ده يا لمياء احنا مش رايحين حفله . . . . . . .
_ اصل انا نزلت بسرعه من غير مسرح شعري . . . . . .
= كده ومش متسرح دانتي شعرك حلو اوي بقي . . . . . .
_ انا هلمه كده من غير توكه ل فوق . . . . . .
= والله هو حلو في اي وضع بصراحه انا مش بحسدك يعني . . . . .
_ يلا يا احمد مش وقت هزارك ده والنبي انا هتجنن علي البنت . . . . . .
= يلا . . . . . .
دخلو القسم . . . . . .
_ ازيك يا باش مهندس احمد حضرة الظابط مستنيك جوة . . .. . .. .
دخلوا جوة عند رئيس المباحث . . . . . . .
_ ازيك يا عامر والله واحشني . . . . . .
= بقي كده بس يا احمد مبيهونش عليك تيجي تشوف صاحبك
. . . . . .
_ والله مشاغل يا عامر المهم دي لمياء الي حكيتلك عنها وعاوزه تشوف البنت . . . . . . .
= يا حضرة الشاويش هات البنت الي كانت مع المتسولة . . . ..
جابو البنت ولمياء مسكتها وقعدت تعيط وتحضن فيها . . . . .
_ ايه يا لمياء هي فيروز . . . . . .
= لا يا احمد بس شبهها اوي يا حبيبتي مش هي يا احمد . . . . .
البنت قعدت تضحك ل لمياء ولمياء كانت بتكلمها وتقولها . . . .
كتابات ل ghada saeed
_ انا عندي بنت حلوة زيك ونفسي الاقيها يارب يابنتي انتي كمان ترجعي ل أهلك . . . . . . .
كلامها آثر في احمد وعامر عامر قالها . . . . .
_ متقلقيش خالص يا مدام لمياء انا هفضل ورا الموضوع ده لحد ما ألاقي حل بإذن الله وهبلغ احمد يبلغك . . . . . . .
= ربنا يكرمك يارب هيبقي جميل عمري مهنسهولك ابدا . . .. . .. ..
احمد خدها وركبوا العربيه . . . . . . .
_ خلاص بقي متزعليش هنلاقيها متخافيش . . . . . . .
= انا مش زعلانه انا جايه ومتأكده ان مش هي بنتي مش مخطوفه من متسولين بنتي مع ابوها هو الي خاطفها وحرق قلبي عليها عشان مرضتش ارجعله بيردلي الض*بة مش كفاية الي امه عملته فيا زمان هو بيكمل الي امه عملته منه لله انا بموت كل يوم ومحدش حاسس بيا انا بفكر كل يوم فالانتحار وبفتكر فيروز اما اشوفها وهو ده الي بيصبرني . . . . . . .
_ اهدي بس يا لمياء وتعالي نروح نفطر برة . . . . .. .
= الدكتور زمانه مستنينا . . .. . .. .
_ مش مهم نفطر ونروح . . . . . . .
فجأه تليفوناتهم هما الاتنين رنت ب رساله . . . . .
الدكتور بيلغي الميعاد النهارد لانه حصله ظروف. . . . . ..
= شوفتي بقي نفطر ونتغدي كمان اهو الدكتور لغي الميعاد . . . . .
_ يعني برضو مش هسمع حكايتك النهارده . . . . . . .
= هتسمعيها بكرة هو انتي مستعجلة ليه بس . . . . . . .
_ ماشي لما نشوف ايه الي وراك انت كمان . . . . .
= هتفطري ايه ولا اطلبلك علي زوقي . . . . . .
_ اي حاجه انا اول مرة اجي المطعم ده معرفش الاكل الي فيه . . . . . .
= حاضر هقوم اطلب انا واجيلك . . . . . . . .. .
_ راح احمد يطلب الاكل وساب تليفونه عالترابيزه وجاتله رسالة من واحده اسمها هاجر والرساله كان باين منها كلمتين من برة بتقوله . . . . .
_ بقي كده يا احمد يعني نفذت الي في دماغك . . . . . .
وبقيت الكلام مش باين ولمياء طبعا متقدرش تمسك التليفون وتفتح الرساله . . . . . . .
احمد جه وجاب الاكل . . . . . .
_ تليفونك كان بيجيله رسايل شوف كده لتكون حاجه تخص فيروز . . . . . .
مسك تليفونه واول ما شاف الاسم راح ماسح الرساله من بره ومفتحهاش . . . . ... .
_ مين
= دا حد مش مهم متاخديش في بالك ويلا ناكل . . . . . .
_ احكيلي بقي بتشتغل فين وامتي . . . . . .
= انا مهندس مدني فا بشتغل في اماكن مختلفه بس انا واخد اجازة بقالي شهرين عشان اهدي اعصابي شوية عشان انا نفسيتي كانت تعبانه الفترة الي فاتت دي . . . . . . .
= ودلوقتي . . . . .
_ بقيت احسن من الاول اكيد الجرح بس محتاج شوية وقت مش اكتر كل يوم بيعدي ببقي كويس اكتر من الاول في حاجات معينه يعني لكن في حاجه جوايا مبعرفش اتخلص منها هتبقي تعرفيها لما احكي قصتي قدامك انا قصتي اغرب من الخيال بس هعمل ايه هو ده نصيبي.. . . . . . . .
كتابات ل ghada saeed
= انت مفكرتش انك تتجوز . . . . . .
_ والله فكرت زمان اني اتجوز بس ب وضعي الحالي صعب اوي . . . . . . .
= ماله وضعك وضعك المادي يعني . . . . . .
_ لا خالص انا الحمد لله محوش فلوس كتير من شغلي لكن انا عندي ظروف معينه محدش هيقبل بيها لو عرفها . . .. . ..
= ممكن اعرفها . . . . . . ..
_ هتعرفي كل حاجه في وقتها يا لمياء انتي مستعجله كده علي طول . . . . . ..
= منا مش لاقيه حاجه اتكلم فيها فا بتكلم في اي حاجه . . . . .
_ كل ده ومش لاقيه حاجه تتكلمي فيها دانا جالي صداع منك . . . . . .
= طيب شكرا اوي ليك انا مش هتكلم تاني معاك . . . . . .
_ هو انتي كل كلمه تزعلي انا انسان بحب الهزار لكن انتي بتاخدي كلامي انه بجد وتزعلي لازم تتعودي علي شخصيتي كده عشان انا مبحبش حد يزعل من كلامي وانا مبيبقاش قصدي حاجه وحشه . . . . . . .
= وانا اتعود علي شخصيتك ليه كنت خطيبتك مثلا . . . . . . .
_ دي حاجه طبعا تتمنيها بس انا الي مش موافق بيكي . . . . .
= لا يا شيخ مالك شايف نفسك كده ليه . . . . . . .
_ ومشوفش نفسي ليه دانا مهندس قمر وكل البنات تتمناني
= لا مش اوي كده في احلي منك كتير . . . . . . .
فجأه تليفونه رن ب اسم هاجر قعد يكنسل عليها وهي تتصل تاني واخر ما زهق قفل تليفونه خالص . . . . . . .
_ مين دي الي مش عاوز ترد عليها . . . . .
= دي بنت عمي . . . . . .
_ ومش بترد ليه . . . . .
= مش حابب اتكلم معاها ومتقوليش ليه لأني مبحبش اتكلم في الموضوع ده خالص . . . . . .
_ مكنتش هقولك ليه وبعدين بطل تتعامل معايا اني حشرية . . . .. .
= ماشي يا ستي طب يلا بينا عشان اوصلك . . . . .
نده احمد عالويتر عشان يجيبله الحساب . . . . .
_ اتفضل يا فندم الحساب . . . . . .
فجأه لمياء بصت للويتر انت!!!
= في ايه يا لمياء مالك . . . . . .
_ دا يبقي . . . . . .
يتبع
- Writer
