"Sir, kape niyo po," lapag niya sa mainit at bagong timplang inumin sa harapan nito.
Halatang masakit ang ulo ng amo niya dahil sa hindi matigil na paghilot nito sa ulo habang nakatukod ang siko sa lamesa.
"Thanks," tipid na tugon nito bago humigop sa tasa.
Matapos ng gabing iyon ay mas naging maalaga na siya sa binata, ipinangako niya sa sarili na gagawin niya ang lahat upang matulungan ang lalake sa abot ng kanyang makakaya, bilang kabayaran sa panibagong buhay na ipinagkaloob nito sa kanya.
Wala na siyang paki-alam kahit pa mayroon itong madilim na lihim, basta ang importante sa kanya ay ang masuklian ang kabutihan nito sa kanila.
Naroon rin kasi ang tuwang naidudulot nito sa kanya, lalo na at alam niyang kahit papaano sa simpleng paraan niya ay mababawasan niya ang kung anong mabi
