PAGDATING ni Mira sa bahay niya ay kanyang naabutan sina Bornok at Trixie na nanonood ng TV. Pasimple niya munang pinagmasdan ang dalawa habang inaalis ang puyod sa kanyang buhok. Napasulyap din siya sa kanilang kusina at naroon si Grance na naka-upo habang kumakain ng tinapay at may softdrinks pa itong iniinom. Sa tinginan pa lang nila ay nakuha kaagad ni Mira ang nais nitong sabihin sa kanya.
“Walang naging problema.” Ito ang nais sabihin ni Grance at ngiti naman ang itinugon ni Mira rito. Sa paglakad niya sa likuran ng dalawa ay napansin niya na masaya ang mga mata ni Trixie . Hindi na ito kagaya noong nakaraang araw na parang may tinitimpi itong inis.
Nagbihis lang si Mira at pagkatapos noon ay nagpunta siya sa banyo para maglinis ng sarili. Paglabas niya ay kaagad siyang umino
