MAGKASAMANG lumabas ng compound ng bording house si Bornok at Trixie. Pinagtinginan nga sila kaagad ng mga borders na kasalukuyang naroon pa nang mga oras na iyon. Puro ang mga lalaki na lamang ang nandoon nang mga sandaling iyon at pasimple pa nga silang nagpapansin sa kasamang babae ng binata kaso, kagaya ng ginawa ni Trixie noong nakaraan ay hindi man lang niya pinansin ang mga ito. Hindi kasi siya interesado sa mga ganoong klaseng lalaki. Kung siya nga ang tatanungin ay mukhang mas mabuti pa si Bornok sa mga ito.
Ito ay base sa kanyang pakiramdam, o baka dahil si Bornok na lang ang naging napagpasahan niya ng kapangyarihan kaya ganito ang naisip niya.
Pagdating nila sa may labasan ay inaasahan na ni Bornok na tampulan sila ng mga mata dahil sa kanyang kasama. Si Trixie ay nakasuot ng
