DAY 7.
Nagulat na lamang si Bornok nang magising siya kinaumagahan. Wala siya sa itaas na higaan niya, at napaseryoso siya nang may hita at kamay na nakapatong sa kanyang katawan pagkagising niya. Narinig pa nga niya ang mahinang hilik ni Trixie sa may bisig niya kung saan ito nakaharap at napatingin siya sa madilim na paligid. Wala siyang maalala na dito siya matutulog kagabi. Nakatulog ba siya? Hindi niya alam at wala siyang maalala.
“Dala siguro ng nangyari kagabi…” sabi ni Bornok at maingat niyang inilayo ang kamay at hita ni Trixie sa katawan niya. Tumayo nga siya at binuksan ang ilaw ng kanilang kwarto. Humikab nga siya at napatingin sa dalaga, hindi pala ito nakapagpalit ng damit kagabi at suot pa rin nito ang pantalon at ang tshirt na ipinasuot niya.
Lumabas nga siya at nagbanyo
