PAGKATAPOS kumain ng agahan nina Bornok at Trixie ay nagpasya ang binata na magpaalam muna sa dalaga sa araw na ito. May text kasi ang isang pinagpasahan niya ng resume at pinapupunta siya rito para mag-report. Ipinaliwanag niya sa dalaga na hindi niya ito pwedeng isama dahil wala siyang mapag-iiwanan sa kanya.
“Basta huwag ka na lang aalis dito. May mga pagkain naman diyan,” ani Bornok na namimili ng medyo maayos na damit na kanyang masusuot.
“Hindi kita pwedeng hayaang umalis mag-isa… Paano na lamang kung makita mo ang isa sa dalawang babaeng napuntahan mo ang panaginip na kasamahan natin dito? Isa pa, alam kong may isa pang babaeng ikaw ay dinalaw ang panaginip bukod sa kanila,” sabi nga kaagad ni Trixie na kasalukuyang naka-upo sa higaang nasa ibaba.
“Huwag kang mag-alala… Hindi ako
