“WHAT?” Magkasalubong ang mga kilay na tanong sa kaniya ni Sebas nang makaupo na ito sa swivel chair na nasa tapat ng mesa nito.
Banayad siyang bumuntong-hininga habang hindi pa rin inaalis ang seryosong tingin niya sa kaniyang asawa.
“Is there a problem?” tanong ulit sa kaniya ni Sebas nang hindi siya sumagot.
Bumuntong-hininga ulit siya at ipinag-krus sa tapat ng kaniyang dibdib ang mga braso.
“Damn it, Sakura. I’m asking you if what’s the problem. Bakit ganiyan ka makatingin sa akin?” tiim-bagang at iritadong tanong nitong muli.
“Sino siya?” tanong niya.
Mas lalong nagsalubong ang mga kilay nito. “What do you mean?”
“’Yong babaeng kung makayakap sa ’yo kanina sa labas ay dinaig pa akong asawa mo. ’Yon ’yong tinutukoy ko,” sabi niya. “Ex mo ba ’yon?” tanong niya ulit.
Ito naman
