PAGKAGISING ni Sakura kinabukasan, hindi niya nakita sa kaniyang tabi ang kaniyang asawa, sa halip ay mag-isa lamang siyang nakahiga sa malapad na higaan. Hindi rin nagusot ang kama sa tabi niya kaya bigla siyang nagkaroon ng ideya na hindi tumabi sa kaniya si Sebas kagabi.
Medyo may lungkot man siyang nadama sa kaniyang puso sa mga sandaling iyon, ngunit hindi na lamang niya iyon pinansin. Expected naman na niya iyon na hindi tatabi sa kaniya si Sebas sa pagtulog, e!
Humugot siya nang malalim na paghinga ’tsaka iyon pinakawalan sa ere habang mataman siyang nakatitig sa kisame. Pagkaraan ng ilang segundo ay nagdahan-dahan na rin siyang kumilos sa kaniyang puwesto upang bumangon. Saglit niyang ipinusod ang kaniyang buhok nang makaupo siya sa gilid ng kama bago siya tumayo at naglakad pap
