“SEBAS!” Mahinang sambit niya sa pangalan ng binata.
At nang marinig ng dalawang ginang ang sinabi niya ay napalingon na rin ang mga ito. Ganoon na lamang ang panlalaki ng mga mata ng Doña Cattleya nang makita nito ang anak na nakatingin sa direksyon ni Sakura.
“Sebas?” anito. “Oh, God! What are you doing here? You can’t...” hindi pa nito naituloy ang sasabihin sa anak at muling nilingon si Sakura. “Oh, Latina, hija, close the curtain.” Utos nito sa dalaga.
Kaagad namang tumalima si Latina. Nagmamadali nitong hinila ang malaking kurtina upang isarado iyon.
Wala naman nagawa si Sakura.
“Ikaw talagang bata ka! What are you doing here? Alam mo bang bawal kang magpunta rito dahil nagsusukat ng wedding dress si Sakura?”
Narinig niya ang galit na tinig ng Doña Cattleya. Pinapagalitan nito
