PAGKATAPOS niyang kumain at mahugasan ang kinainan niya ay kaagad din siyang pumanhik at tinungo ang masters bed room. Pagkapasok niya roon ay siya namang paglabas ni Sebas mula sa banyo. Katatapos lamang nito maligo at tanging tuwalya lamang ang nakatabing sa ibabang bahagi ng katawan nito. Mabilis siyang nag-iwas ng tingin dito nang seryoso din siya nitong tiningnan bago naglakad palapit sa closet. Tahimik itong kumuha roon ng pajama at sandong itim at nagbihis. Habang siya naman ay dahan-dahan na naglakad palapit sa couch na nasa sulok at doon siya umupo.
Gusto sana niyang magsalita upang mawala ang kakaibang tensyon na namumuo na sa loob ng apat na sulok ng silid na iyon, pero hindi naman niya alam kung ano ang kaniyang sasabihin kay Sebas.
Oh, ngayon pa talaga siya nawalan ng sasabi
