MALALIM na buntong-hininga ang pinakawalan ni Sakura sa ere habang nasa tapat siya ng full-sized mirror at pinagmamasdan niya ang kaniyang sarili. Tipid siyang ngumiti sa sarili matapos niyang suyurin ulit ng tingin ang kabuuan niya. She’s wearing the wedding dress na binili sa kaniya ng Doña Cattleya noong nakaraang magpunta sila sa shop ni Latina. Today is the day she’s been waiting for. At mas labis siyang kinakabahang sa mga sandaling iyon. Tapos na siyang inayusan ng make-up artist, naisuot na rin niya ang kaniyang wedding dress. Binigyan lamang siya ng kaniyang ina ng kaunting sandali upang mapagsolo sa kaniyang silid, dahil iyon ang kaniyang hiniling kanina.
“Wala ka namang balak na umatras ngayon, Sakura, hindi ba?” Tanong niya sa kaniyang sarili.
Oh, God! Simula kagabi ay hind
