"Hala! Ano pong ginagawa n'yo rito?" agad nitong pinunasan ang kamay. Saka iginilid ang timba, saka lumapit sa amin.
"Nagdala kaming grocery. Para sa inyo." Iginila ko ang tingin sa harap ng bahay nila.
"Po? Aba'y bakit po?"
"Ilabas muna natin." Singit ni Yko. Ang lalaking nag-guide sa amin kanina ang tumulong kay Yko para ibaba ang mga groceries na para sa mag-iina. Pansin ko na dumarami ang mga tao sa isang umpukan. Nakamata sa mga ipinapasok sa gate nila Len.
"Hello po!" bumukas ang pinto, si Yoyo na s'yang bumati sa amin ang nakita ko roon.
"Hello, Yoyo. I'm Ate Bible. Natatandaan mo pa ako?" magiliw na ani ko.
"Oo naman po. Paano ko kaya makakalimutan, dahil po sa inyo may gamot si Bunso namin."
"A-ng dami naman po." Dinig kong ani ni Len na halatang hindi makapaniwala.
